Nakig-partner ang usa ka lokal nga conglomerate
sa usa ka kompanya sa electric vehicle (EV) nga nakabase sa Vietnam aron magtukod og walo (8) ka charging ug battery-swapping station sa probinsya sa Cebu, tungod sa nagkadaghang mga tiggamit og EV sa central Philippines.
Ang Top Line Business Development Corp., nga adunay interes sa enerhiya, gasolina, real estate, pagpalambo sa teknolohiya, ug operasyon sa pantalan ug ferry terminal, nagpahibalo niadtong Biyernes nga unom sa mga pasilidad ang ibutang sa mga Light Fuels service station sa Cebu City, Mandaue City, ug Lapu-Lapu City.
Ang mga pasilidad gilauman nga magsugod sa operasyon sa ikatulong kwarter sa tuig.
Ubos sa kasabutan, ang matag partisipante nga Light Fuels station adunay usa o duha ka EV charging bays nga makahimo sa pagserbisyo sa 18 hangtod 20 ka mga sakyanan kada adlaw gamit ang Combined Charging System Combo 2, ang universal charging connector nga gimando sa Department of Energy.
Ang mga opisyal sa Top Line Business Development Corp. ug V-Green Charging Stations Philippines Inc., usa ka subsidiary sa Vietnam-based EV maker nga VinFast, mipirma og memorandum of understanding niadtong Huwebes.
Ang partnership mag-usab sa Light Fuels retail network ngadto sa charging ug battery-swapping hubs para sa VinFast electric scooters.
Subay niini, nag-ingun ang officer sa Top Line Business Development Corp. nga si Brigitte Carmel Lim nga ang maong estratehikong lakang nagtumong sa paghimo sa core fuel business nga andam sa umaabot sa kasamtangang energy landscape.
Hinungdan nga sila malaumon sa maong partnership sa V-Green nga nagtumong sa pagkuha sa mga kustomer sa EV, pagsulbad sa mga kakulangan sa serbisyo pinaagi sa paghatag og multi-energy platform nga nagsuporta sa tradisyonal nga mga fuel ug electric mobility solutions,” miingon ang senior vice president/chief oper.
Gihulagway sa representante sa V-Green Vietnam nga si Nguyen Thi Vu An ang partnership isip usa ka importante nga milestone para sa duha ka kompanya.
Matod niya, kini nga kolaborasyon usa ka dako nga lakang padulong sa pagpalapad sa ilahang network ug pagdala sa malungtarong enerhiya sa daghang mga lokasyon.
Ang partnership miabot samtang ang panginahanglan alang sa imprastraktura sa EV nagpadayon sa pagtubo taliwala sa pagduso sa gobyerno alang sa mas limpyo ug mas malungtarong mga solusyon sa transportasyon.
