CEBU – Namatay ang usa ka barangay kagawad sa Langub, lungsod sa Asturias sa amihanan-kasadpang Sugbo human kini ma aksidente sa kadalanan sa may National Highway sa Barangay Looc, lungsod sa Asturias pasado alas 5 sa hapon gahapon Agosto 14.
Daling gidala si Alfeo Balza, 49, sa Asturias Infirmary Clinic aron matambalan apan gideklarar sa attending physician sa maong tambalanan nga dead on arrival.
Matod ni Police Major Alden Zambrano, acting Asturias Police Station chief, sa inisyal nga imbestigasyon nasayran nga si Balza nga nagmaneho sa iyang Krypton nga motorsiklo nisuway pag-overtake sa laing motorsiklo apan nabanggaan hinuon niya ang motorsiklo nga Yamaha Mio sa atbang nga lane.
Dugang pa, nga ang angkas sa laing motorsiklo nga si Renan Obligar naangol sa aksidente ug na-admit sa tambalanan sa lungsod sa Balamban kasadpang Sugbo.
