Gikahimuot nga gitaho sa Environmental Management Bureau (EMB-7) kabahin sa usa ka dakong kalamboan sa kalidad sa hangin sa rehiyon-7.
Sukad sa alas 8:00 sa buntag karong adlawa, Abril 26, 2026, ang klasipikasyon sa kalidad sa hangin sa Dakbayan sa Talisay mibalik na sa kategoryang “FAIR” basi sa PM2.5 ug “GOOD” sa PM10 measurements, diin ang ulan ug localized winds nakatabang sa pagkahulog ug pagkatag sa particulate matter sa atmosphere.
Dugang pa, ang pagmonitor sa Toledo City Station nagpadayon sa pagpakita sa kalidad sa hangin nga “GOOD”, nga nagpamatuod nga ang mga kasadpang lugar wala maapektuhan sa mga emisyon gikan sa Mt. Kanlaon.
Samtang ang direksyon sa hangin, nga nakita sa duha ka stations, nagpakita sa nag-unang Amihanan-sidlakan ngadto sa Habagatan-kasadpang sumbanan sa hangin. Kini nga trajectory nagsiguro nga ang mga emisyon gikan sa Mt. Kanlaon nagkatag sa atbang nga direksyon, palayo sa Probinsya sa Cebu.
Ingun man nga ang pagbalhin ngadto sa kategoryang “Fair” ug “Good” usa ka maayong kalamboan, ang publiko giawhag gihapon nga magpabiling mabinantayon sa ilang respiratory health.
