CEBU CITY – Dili makaapekto sa dagan sa ekonomiya ang kamatayon sa duha ka mga inila nga business tycoon sa Pilipinas nga sila si John Gokongwei, Jr. ug Lucio ‘Bong’ Tan, Jr.
Gibutyag ni Provincial Board Member Glenn Soco, ang presidente sa Mandaue Chamber of Commerce and Industry, nga bisan pa man sa pagtaliwan sa duha ka mga haligi sa patigayon sa nasud, hayan magpadayon lang ang operasyon sa ilahang tagsa-tagsa ka mga negosyo.
Matud ni Soco nga sila si Gokongwei, Jr. ug Tan, Jr. ang dako ug gikatabang sa nasud diin nakamugna kini ug daghang mga job opportunities, ingon man nga gihimo kini sila nga sumbanan sa mga gagmay nga magpapatigayon.
Samtang, mipaabot kini ug pahasubo ngadto sa Gokongwei ug Tan family diin matud pa ang duha ang iyaha usab nga nahimamat kaniadto.
Nagkanayon si Soco nga ang kamatayon sa duha ang mahimong pagtulun-an sa tanan nga walay mulangtod niining kalibutana hayan importante ang pagbilin ug maayong binuhatan.
