Gilusad sa Department of Health (DOH) ang “Trangkaso Bye-Bye!”nga kampanya sa paghatag ug saktong impormasyon ug pagpugong sa trangkaso karong flu season.
Ang mensahe sa DOH nga “Maghugas ng Kamay, Trangkaso Bye-Bye! Magpahinga sa Bahay, Trangkaso Bye-Bye! Kumain ng Prutas at Gulay, Trangkaso Bye-Bye!” nga nagpahinumdum sa publiko nga adunay mga yano nga paagi aron magpabiling himsog.
Base sa pinakaulahing report sa DOH, kapin sa 6,400 ka kaso sa flu-like illness ang natala gikan sa Septiyembre 28 hangtod Oktubre 11, 2025 diin mas ubos kini og 25% sa miaging tuig.
Bisan walay outbreak kay flue season gihapon sa nasud tungod kay ting-uwan na ug nagkaduol na ang Hanging Amihan.
Busa, ang DOH nagpahinumdom: likayi ang pagkuyanap sa sakit pinaagi sa paglimpyo, pagpahulay og igong oras, ug pagkaon sa himsog nga mga pagkaon.
