Nisumiter ang kampo ni kanhi Presidente Rodrigo Duterte og hiniusang report gikan sa medical experts nga ilang gikuha.
Sumala sa abogado sa kanhi presidente nga si Nicholas Kaufman, ang lakang nagsuporta sa ilang pamahayag bahin sa tinuod nga kahimtang sa panglawas sa 80-anyos nga kanhi presidente ug nganong kinahanglan siyang buhian gikan sa pasilidad sa International Criminal Court (ICC).
Sa 12 ka pahina nga report nga ilang gisumite sa ICC Pre-Trial Chamber I, ilang giingon nga ang bag-ong medikal nga ebidensya nagsuporta sa Pre-Trial Chamber sa panglawas sa kanhi presidente aron atubangon ang husay.
Giingon usab sa hiniusang report nga ang kanhi presidente kulang sa executive functioning, nag-antos usab sa kakulang sa kapasidad sa pagplano, kulang sa dinalian nga paghimo og desisyon, kulang sa pisikal nga kusog ug walay abilidad sa paglikay sa pagpaniid.
Tungod niini, ang kanhi presidente dili usab makahimo sa paghulga sa mga saksi ug pagdaot sa integridad sa imbestigasyon.
Gihangyo ni Kaufman nga ang Pre-Trial Chamber kinahanglan nga morepaso sa pag-apruba sa interim release ni Duterte tungod sa nahisgutang mga kondisyon sa kanhi presidente.
