Nagpasidaan ang kampo ni kanhing House Speaker Martin Romualdez, nga si kanhing Department of Public Works and Highways (DPWH) Secretary Manuel Bonoan mahimong mapugos sa pag-link sa magbabalaod sa imbestigasyon sa Office of the Ombudsman sa giingong flood control scam.
Sumala ni Atty. Ade Fajardo, ang tigpamaba ni Romualdez, walay ebidensya nga naglambigit sa kanhing Speaker sa kaso ug ang mga kaso batok kaniya nagpabilin nga mga alegasyon.
Dugang ni Fajardo, nabalaka kini nga ang mga taho nga si Bonoan mahimong motestigo batok kang Romualdez tungod kay kapin na sa usa ka tuig ang milabay sukad mitumaw ang isyu apan wala pa siyay gisulti batok sa kanhing Speaker.
Dugang niya nga si Bonoan mahimong ubos sa grabeng pressure tungod kay siya gi-hospital arrest ug mahimong ibalhin sa regular nga prisohan kung tugotan kini sa mga doktor.
Hangtod karon, si Fajardo miingon nga wala pa sila makadawat og subpoena gikan sa Office of the Ombudsman ug andam sila nga motubag sa bisan unsang reklamo kung magsugod ang pormal nga imbestigasyon.
