Cebu City- Nagpadayon ang hotpursuit karon sa mga pulis sa Bohol Provincial Police Office (BPPO) batok sa mga suspect nga mi-abush sa usa ka mayoralty candidate sa Buenavista, Bohol pasado ala una kaganinang hapon sa may Brgy. Tulang lungsod sa Getafe probinsya sa Bohol.
Patay ang driver sa kandidato nga giilang si Condrado Añasco, 52 anyos samtang luwas ug walay igo ang kandidato nga giila nga si Atty. Rico Cabarubias.
Nakag-angkon ug nagkadaiyang igo sa lawas ang driver hinungdan sa iyang hinanaling kamatayon. Padayon pa usab nga giimbestigaran sa PNP sa BPPO sa naasoy nga insidente samtang nagpadayon ang hot pursuit.
Nagkanayon usab si PRO-7 Regional Director PCSupt. Debold Sinas nga personal grudge ang ilang gitan-aw nga motibo karon sa pag-ambush apan wala nila gisalikway ang posibilidad nga duna kini kalambigitan sa pagdagan niini sa isip mayor.
Nsasayran nga si Atty. Cabarubias subject for election protest sa incumbent Mayor sa Buenavista nga si Mayor Atty. Dave Duallo human gi-kwestyon ang legitimacy sa Certificate of Nomination and Acceptance (CONA) niini.
