CEBU CITY-Patay ang usa ka lalaki human kini gipusil sa wala pa matino nga mamumuno sa may Sitio Kilawan Brgy. Tangke ning dakbayan sa Talisay.
Naila ang biktima nga si Bobby Badajos, 45 anyos ug residente sa naasoy nga dapit.
Matud ni Police Staff Sergeant Eleazar Vilsenia sa Talisay PNP nga basi sa imbestigasyon nga nagdrive ang biktima sa iyang e-bike ug sa dihang mihunong kini ug mikanaog nga daw sama dunay paliton, kalit kining gipusil sa wala pa matino nga mamumuno.
Basi usab sa anak sa biktima nga maoy miila usab niini sa dihang nahinabi ni Vilsenia nga gikan sa prisohan ang iyang amahan kinsang nadakpan sa nakalabay nga tuig human nalambigit sa illegal drug trade human gitudlo sa lain pang dinakpan.
Kini usab karon ang nakita nilang motibo sa nahitabong krimen.
