CEBU – Subay sa kasamok nga nahiaguman sa nasud nga Ukraine, miduyog ang kanhi nga heavyweight champion nga si Oleksandr Usyk sa pag depensa sa mga Ukrainian.
Lakip si Usyk sa nihupot og armas aron depensahan ang iyang yutang natawhan nga Ukraine batok sa Russia.
Giingong miapil sa territorial defense battalion ang 35-anyos nga kanhi Olympic gold medalist.
Mahinomdoman nga nag post si Usyk sa katapusang semana sa buwan og daghang mga videos sa Instagram niini ug ang gitumong sa mao nga post ang presidente sa Russia nga si Vladimir Putin.
Saysay pa niini sa maong post nga mahimong hunongon ni Putin ang maong gubat, uban sa panghinaot nga makigsabot kini kanila sa walay pag-pangangkon.
Dugang pa ni Usyk anaa sila sa ilang kaugalingon nga nasud ug nagdepensa kini mahitungod kay wala na silay mahimo nga laing pamaagi.
Tataw pa niini nga ang ilang mga anak, asawa, og mga lola nitago sa mga basements og nanawagan kang Putin nga hunongon na ang maong gubat.
