Nag-atubang og bag-ong mga kaso ang kanhi Venezuelan President Nicolas Maduro ug ang iyang asawa nga si Cilia Flores, nga may kalabotan sa giingong pagpang-torture sa mga Amerikano ug uban pang mga indibidwal nga gidakop sa gobyerno sa Venezuela.
Sumala sa mga dokumento sa korte sa New York, ang matag usa kanila gipasakaan og kaso sa pakigkunsabo aron makahimo og torture.
Matod sa mga prosecutor, si Maduro, nga nahimong presidente sa Venezuela niadtong 2013, giingong nagmando sa paggamit og torture batok sa mga indibidwal nga misupak sa iyang administrasyon.
Lakip sa mga alegasyon ang pagpang-abuso sa mga dinakpan nga giingong gihimo aron pahilomon ang mga kritiko ug mga kaatbang sa gobyerno.
Gihimakak sa kampo ni Maduro ang maong mga pasangil ug ang mga alegasyon batok kanila.
Samtang, gipahayag ni US Attorney Jamie McDonald nga ang giingong pagpang-torture kabahin sa dugay na nga pamaagi sa pagdumala ni Maduro sulod sa tibuok niyang pagdumala nga milungtad og 25 ka tuig.
