CEBU CITY — Gikalipay ni Mandaue City Department of General Services Head Engineer Marivic Cabigas ang nahitabong kalambu-an sa kanhi dumpsite Brgy. Umapad sa dakbayan apan usa na ka eco-park sa karon.
Tuig 2014 gisugdan ang pagpa-gwapo sa lugar diin anaa na sa duha sa napulo ka ektarya na ang gitamnan ug kahoy ug ubang tanom nga makahatag ug maayong dagway sa dapit.
Kahinumdumang gikomendar sa Department of Environment and Natural Resources (DENR) ang pagpasira sa lugar nga adunay daghang basura nga nagtapok niadtong tuig 2007.
Samtang gipatuman ang total closure sa lugar diin gatusan sa mga pamilya ang apektado sa maong kamanduan sa tuig 2018.
Apan ning kasamtangan, nahan-ay na ang dapit ug pwede na nga masuroyan sa katawhan aron makahanggab ug preskong hangin ug maka-relax.
Gihimug-atan ni Engr. Cabigas nga wala kini magdahom sa maong kausaban sa lugar.
Sa karon adunay 115 ka pamilya ang nagtener sa dapit diin kini ang magsilbing abag sa lokal nga pangagamhanan sa oras ngaa dunay angayang trabahu-on sa lugar. (report by Bombo Crisle Adlawan/gbs/gn)
