Kapin 20 ka indibiwal, samdan sa pagbuto sa parte sa Northern Israel

Naangol ang labing menos 20 ka tawo tungod sa usa ka pagbuto sa Ramim Ridge sa amihanang bahin sa Israel niadtong Lunes, Oktubre 12.

Sumala sa non-profit emergency medical services sa Israel, Magen David Adom (MDA), ang pagbuto nahitabo duol sa utlanan sa Lebanon.

Ang mga biktima mga estudyante ug magtutudlo nga anaa sa usa ka field trip sa Pe’er observation point, duol sa nahitaboan sa pagbuto.

Duha ka tawo ang anaa sa kritikal nga kahimtang, samtang tulo ang nakaangkon og moderate injuries. Ang nahabilin nga 15 anaa sa maayo nga kahimtang, sumala sa MDA.

Nagpahigayon karon og imbestigasyon ang mga awtoridad aron masuta ang hinungdan sa pagbuto.