Mikabat na sa kapin 290 ang gikatahong patay sa nahagsa nga eroplano sa Air India paingon sa London pipila ka gutlo human milupad gikan sa siyudad sa Ahmedabad niadtong Huwebes.
Mao kini ang ulahing datos nga gipaambit sa mga otoridad human nga miigo kini sa usa ka medical college building.
Gawas sa mga pasahero nga namatay kay adunay mga nabiktima nga mga estudyante.
Matud usab sa usa ka senior police official sa Ahmedabad, Vishakha Dabral, nga 269 ka mga lawas ang gidala sa panguna nga ospital.
Ang mga rescue personnel sa site, ingon man ang mga doktor ug mga opisyal sa seguridad, misugyot nga mokabat sa tulo ka dosena nga mga tawo nga nasayran diin nahagsa ang eroplano ug namatay.
Samtang, gipaambit sa mga awtoridad sa India nga usa ka pasahero ang bugtong naluwas gikan sa kinatibuk-ang 242 ka mga tawo sakay sa Air India flight nga paingon sa London.
Diin adunay 169 ka Indian national, 53 ka Briton, pito ka Portuguese national ug usa ka Canadian ang sakay sa Boeing 787-8 Dreamliner.
Paingon na ang mga US Investigators sa India aron motabang sa imbestigasyon.
Samtang, ang mga airline company nipasalig nga dili nila pasagdan ang mga biktima.
