Kapin sa 40 ka mga tawo, namatay sa kilos protesta sa Bangladesh

BANGLADESH-Dili momenos sa 43 ka mga tawo ang namatay ug gatos ka mga nasamdan sa kilos protesta sa nahitabo sa Bangladesh.

Gigamit sa mga pulis ang tear gas ug mga bala sa goma aron bungkagon ang pila ka libo nga mga nagprotesta.

Nasyaran nga ang gihimo nga nagprotesta kay nanawagan alang sa pagluwat sa Prime Minister Sheikh Hasina.

Sukad nga nakadaog siya sa iyang ika-upat nga sunodsunod nga termino, miulbo ang mga protesta diin ang eleksyon gi-boycott sa nag-unang oposisyon nga Bangladesh Nationalist Party.

Karong semanaha ang gobyerno sa Bangladesh nagpatuman sa usa ka nasudnon nga curfew ingon usa ka paagi sa pagsumpo sa mga nagprotesta sukad sa miaging bulan.