Mikabat sa 5,105,191 ka mga pangalan ang natangtang sa opisyal nga listahan sa mga rehistradong botante sa Commission on Elections (Comelec) alang sa 2025 national ug local elections.
Pipila sa mga rason sa ilang pagkatangtang sa listahan tungod sa kapakyas sa pagbotar sa 2 ka sunodsunod nga regular elections, kakuwang sa Filipino citizenship pinaagi sa mando sa korte ug walay balidong mga dokumento.
Matod ni Comelec chairman George Garcia, nga 248,972 ka mga botante ang natangtang sa listahan tungod kay patay na ug ang uban tungod sa multiple ug double registration.
Samtang, ang poll body nakadawat sa kinatibuk-ang 409,329 nga aplikasyon alang sa pagpaaktibo pag-usab sa mga botante gikan sa Pebrero 12 hangtod Hulyo 20 ning tuig.
Sa pagkakaron, moabot na sa 4.6 milyon ka mga botante ang narehistro alang sa sunod tuig nga piniliay.
