MANDAUE CITY,CEBU- Andam moatubang ang kontrobersyal nga Kapitan sa Barangay Basak, Dakbayan sa Mandaue nga si Barangay Captain Felipe Diano, kini human nga ipatawag siya sa Land Transportation Office- Central Visayas, gumikan sa mga kalapasan nga nabuhat niini human nga mikatap ang iyang video nga naglatas sa national highway nga walay sout nga helmet.
Giangkon ni Diano nga nakalapas kini sa baload sa trapiko hinungdan nga nangayo siya og pasaylo sa mga katawhan hilabi na sa mga residente sa Mandaue og sa Mayor sa iyang nabuhat.
Gihimug-atan niini nga andam siyang mo esplikar sa atubangan sa buhatan sa LTO-7 aron usab ipasabot kung nganung nakalapas siya sa balaod sa trapiko, diin matud pa niini nga aduna lang siyay giatiman nga emerhensiya hinungdan sa iyang pagdali-dali.
Dugang usab niini nga nag-amping siya sa iyang katungdanan og karon lang siya nakasugat niini gumikan lamang sa mga panghitabo.
Matud usab ni Diano nga ang nahitabo sa iyaha, nagtimaan usab sa pag-edukar sa mga motorista nga posibleng makalapas sa balaod sa trapiko og nagpakita nga ang balaod sa Mandaue aduna gayuy ngipon og walay gipiling bisan kinsa nga paboran.
Kahinumdoman nga mikatap ang iyang video niini niadtong January 5, 2026, nga naglatas sa national highway nga walay helmet og gipaabot nga moesplikar kini sa buhatan sa LTO-7 sa umaabot January 9, 2026.
