CEBU PROVINCE – Pagpangabli sa bintana ang nakita nga usa sa mga solusyon arun nga pakigbatokan ang pagkuyanap sa mga nagkadaiyang virus.
Kini ang gimando ni Cebu Provincial Governor Gwendolyn Garcia.
Matud sa gobernadora nga gikinahanglan nga ablihan ang mga bintana sa nagkadaiyang opisina ug limitahan ang paggamit ug aircon.
Nasayran nga kung init ang palibot, mas dali nga mamatay ang virus.
Ang dali nga pagkuyanap sa 2019 novel coronavirus acute respiratory disease (N-CoV ARD) sa nasud nga China ang gumikan sa ilahang klima diin anaa sila karun sa winter season o panahon nga hilabihan ang ka bugnaw.
Gawas sa pakigbatok sa makalilisang nga N-CoV, gibutyag ni Governor Garcia nga ang pag-limit usab sa paggamit ug aircon ang makatipid usab sa kuryente.
