Gihimakak sa Kagamhanang Lalawigan sa Sugbo ang taho nga aduna nay bag-ong Terminal Manager o Representative sa Cebu North ug South Bus Terminal.
Kini ang gipahibalo sa Office of the Governor niadtong adlaw sa Lunes, Hulyo 7 sa paghatag og katin-awan nunot sa mga higon-higon nga adunay bag-ong opisyal nga magdumala sa terminal sa bus sa lalawigan.
Pinirmahan mismo ni Cebu Provincial Governor Pamela “Pam” Baricuatro ang maong giluwat nga pahibalo diin giawhag niini ang mga Sugbuanon nga magmatngon sa kasayuran nga nakuha ilabi na sa pagdumala sa Kagamhanan sa mga pasilidad niini.
Samtang sa pikas bahin kay gihisgutan sab sa gobernadora ang pagbalik sa manual ticketing system sa mga terminal ug ang paghimong libre ang mga lawak-pansayan.
Diin ang Cebu North ug South Bus Terminal kay nahimutang sa dakbayan sa Sugbo nga gidumala sa Kapitolyo.
