Mi-turnover ang kagamhanang lalawigan sa Sugbo sa kapin P108.2-milyones nga balor sa mga farm machinery, equioment, ug seed capital sa mga lokal nga mag-uuma sa nagkadaiyang Local Government Units (LGUs) sa isla sa Camotes.
Mismong sila Outgoing Cebu Provincial Governor Gwendolyn Garcia ug Incoming Vice Governor Glenn Anthony Soco ang nangulo sa distribusyon sa maong mga kahimanam nga gipahigayon sa San Francisco Gym.
Usa kini ka istratehikong programa sa Kapitolyo sa pagduso og nindot nga produksyon sa yellow corn ubos sa Sugbo Maisan program aron mapabaskog ang agrikultura sa probinsya.
Ang maong inisyatiba kay gisugdan sa alokasyon sa Kapitolyo og P10-milyones nga seed capital para sa matag usa ka LGUs sa Camotes diin personal kining nadawat nila San Francisco Municipal Mayor Al Arquillano; Poro Municipal Mayor Gary Rama; Tudela Municipal Mayor Greman Solante; ug Pilar Municipal Mayor Manuel Santiago.
Dugang pa niini, ang Kapitolyo sab mitunol sa kapin P68-milyones nga balor sa agricultural machineries and equipment lakip na amg mga tractors with implements, corn combine harvesters, platform weighing scales, corn dryers, ug dedicated building para sa corn drying.
Nahimong pormal ang maong pagtunol pinaagi sa pagpinirmahay sa usa ka Deed of Donation diin mahatag kini sa mga local farm groups sa matag lungsod sa ilang panguma sa mais ug produksyon niini.
