CEBU CITY – Susamang “advance celebration” ang malampusong nga pagsugod sa Sinulog festival 2019 sa dakbaayan sa Sugbo.
Kini pinaagi sa usa ka mabulukong parada nga gisalmotan sa mga tinun-an gikan sa nagkalain-laing unibersidad sa naasoy nga lungsod.
Gisugdan ang paglusad sa mismong kapiyestahan sa usa ka misa sa Basilica Minore del Sto. Niño ug gipadayaon kini sa streetdance sa Colon Street ug Osmeña Boulevard. Hangtud nga nahuman ang selebrasyon sa usa ka ritual showdown sa Cebu City Sports Complex.
Matud ni PCI Eduard Sanchez, ang hepe sa Fuente Police Station, nga luwas ug walay natala nga mga insidente ang maong parada nga nasaksikan sa libu-an ka mga Cebuano.
Ipahigayon usab ang grand parade sa giilang “mother of all festivals” karong Enero 20, adlaw nga Dominggo nga dunay temang “One Beat, One Dance for the World.”
Langkuban kini sa mga nagkalain-laing mga contingent gikan sa nagkalain-laing parte sa Pilipinas para sayawon ang ilang debosyon kang Señor Sto. Niño.
Lakip usab sa grand parade ang guest contingent gikan sa Wonju, South Korea.
