CEBU CITY- Possibling dinhi sa Sugbo gipatay ang biktima nga si Reah Mae Tocmo, kana basi sa pahayag sa Director sa Cebu City Police Office.
Matud ni Police Colonel Ireneo Dalogdog, CCPO Director, nga sa pagsubay sa closed-circuit television (CCTV) sa Dakbayan sa Mandaue, nasuta nga posibleng ang motorsiklo nga gisakyan sa biktima nakasulod na sa Panagdait sa Mabolo, Cebu City.
Gitataw ni Dalogdog nga nagpadala na sila og request nga adunay note ni Cebu City Mayor Micheal Rama alang sa pagsusi sa Central CCTV aron sa pagsubay sa motorsiklo nga gisakyan sa biktima.
Sa laing bahin, gitino usab sa Opisyal nga adunay taxi driver nga nasakyan ang biktima kauban ang lalaki nga wala pa nailhan.
Dugang pa, nga adunay taxi driver nga nibisita sa buhatan sa kapulisan, arun ipa-ambit nga ang iyahang taxi ang nasakyan sa biktima, kauban ang usa ka lalaki nga kasamtangang wala pa nailhan.
Tataw sa opisyal, nga basi sa pamahayag sa driver sa taxi adunay adunay panaglalis sa biktima ug kauban niini.
Sa kasamatangan, padayun pang gisuta sa mga kapulisan ang statement sa taxi driver aron sa pagklaro sa lugar nga ginaogan sa biktima, nga giingung naa sa lahug area, ning Dakbayan sa Sugbo.
