DANAO CITY,CEBU-Aduna nay gisundan nga mga suspek ang kapulisan sa Dakbayan sa Danao kabahin sa pagpanglungkab sa usa ka retail store chain sa dakbayan sa Danao, amihanang Sugbo.
Kini ang gitino ni Police Lieutenant Colonel Clark ‘Ike’ Arriola, ang hepe sa Danao City Police Station, atol sa pakighinabi sa Bombo News Team, apan dili pa e-detalye gumikan sa nagpadayung imbistigasyon.
Dugang pa, nga basi sa ilahang pagsuta ang mga tulisan nakasakiyo og P4.5 Milyon nga kantidad sa mga alahas sa usa ka Jewelry store ug P170,000 nga balor sa mga cellphone accessories sa laing stall.
Basi sa ilahang nakita sa closed-circuit television(CCTV) gisulod sa mga kawatan ang tindahan pinaagi sa pagguba sa konkretong paril sa establisemento sa luyo nga bahin niini.
Gisusi usab nila ang bisan unsang CCTV camera sa palibot aron matabangan sila nga mailhan ang mga tulisan.
Ang pagpanulis sulod sa Prince Warehouse Club nadiskubrehan mga alas 7:15 sa buntag niadtong Huwebes, Hunyo 20, 2024.
