CEBU – Gisugdan na sa Cebu City Police Office (CCPO) ang paghimo sa ilang security measures alang sa umaabot nga Sinulog 2023 uban sa koordinasyon sa Basilica Minore del Sto. Niño representatives ug ubang hingtungdan nga ahensya.
Kini ang gibutyag ni Police Lieutenant Colonel Wilbert Parilla, deputy director for administration sa CCPO, nga aduna na silay duha ka tigom sa mga representante sa Basilica ug ubang hingtungdan nga ahensya karong bag-o.
Usa sa ilang nahisgutan mao ang pagbalik sa mga aktibidad nga gitakda sa Fiesta ni Senior Santo Niño sa wala pa ang COVID-19 pandemic.
Matud pa ni Parilla, gipaabot nila ang daghang nga panagtapok sa mga tawo sa maong oras nga ginakonsiderar nga ang mga nag-unag pagdumili sa COVID-19 nga gilibkas na.
Dugang pa, nga dili sama kaniadto nga limitado ang pagsulod sa Basilica Minore del Santo Niño, gumikan kay ang selebrasyon sa sunod tuig dili na kini ipatuman, ilabi na kung magpadayon ang pagkunhod sa mga kaso sa COVID-19 sa dakbayan.
Niadtong Agusto 30, si Cebu City Mayor Michael Rama niingon nga aduna gyud nay Sinulog comeback sunod tuig.
