CEBU – Magsugod na ang Cebu City Police Office (CCPO), kauban ang Women and Children’s Protection Desk (WCPD) ug City Social Welfare and Services, sa pagluwas sa mga menor de edad nga makit-an nga nanaygon ug nagpakilimos sa kadalanan tungod kay hapit na ang Pasko.
Gumikan kay nabantayan sa kaoulisan ang pagsaka sa gidaghanon sa mga bata sa kadalanan nga nangayog limos sa mga motorista sa ilang pagkanta sa mga awit sa Pasko.
Kini maoy nakaaghat sa CCPO sa pagpanawagan sa publiko nga ipaagi ang ilang tabang ngadto sa usa ka charitable institution inay ihatag ngadto sa mga kabataan sa kadalanan aron mapanalipdan sila sa mga disgrasya nga lambigit sa trapiko.
Niawhag si Lt. Col. Maria Theresa Macatangay, tigpamaba sa CCPO, sa publiko nga i-report sa ilang istasyon ang mga batang makililimos sa kadalanan.
Matod ni Macatangay nga kadtong mga bata nga ma-rescue ipaubos sa imbestigasyon aron masuta kung kinsa ang ilang utok.
Dugang ni Macatangay nga ang WCPD ug ang Anti-Mendicancy Board sa dakbayan makig-alayon sa Cebu Police Provincial Office sa rescue operation.
