Mipasalig ang kapulisan sa dakbayan sa Sugbo nga padayong bantayan ang seguridad alang sa pagsugat sa bag-ong tuig.
Kini ang gipaambit ni PCOL. George Ylanan, ang City Director sa Cebu City Police Office nga ang hugot nga seguridad karon sa kapulisan kay nagtumong sa pagmentinar sa kalinaw ug hapsay nga pagsaulog sa mga dagkong kalihokan.
Nunot usab kini sa iyang gipahibalo nga zero incidents ang dakbayan sa pagsaulog sa Pasko, ingon man ang siyam ka simbang gabi.
Wala usab gisalikway sa opisyal nga adunay mga nagpabiling badlungon nga lugar apan iyang gisiguro ug gipanghimangnoan nga madakpan gayud ang mga indibidwal nga momugna og kagubot atol sa selebrasyon.
Samtang, subling nipahinumdom usab ang Police Regional Office 7 sa publiko nga mopalit lamang og fireworks gikan sa kasaligan ug awtorisadong tindahan ug gamiton ang gitugotan ubos sa Republic Act 7183.
Mipagawas usab si Regional Director PBGEN Redrico A. Maranan og hugot nga pahimangno sa mga sibilyan ug mga uniformed personnel batok sa walay pulos nga pagpamusil, nga nagpatin-aw nga ang sayop nga paggamit sa armas delikado ug silotan sa balaod.
Busa, gihimug-atan niini nga ang pagtuman sa iyang mandato sa pagpangga sa kinabuhi ug kabtangan ug sa pagmintinar sa kalinaw ug kahusay sa tibuok holiday season
