CEBU CITY-Gibutyag ni Police Lieutenant Colonel Janette Rafter, ang deputy City Director for operations sa Cebu City Police Office nga aduna na’y lead sa suspek ang kapulisan sa kasong ‘hit and run’ sa 23-anyos nga basketbolista niadtong Pebrero 4, 2024.
Gitin-awan niini nga bisan paman nga gusto nilang mahatagan sa daling panahon og hustisya ang kamatayon sa biktima apan, dili sila gusto nga mahulog sa ‘for compliance’ ang ilang gihimo nga imbistigasyon gumikan sa ilang tan-aw huyang pa ang kaso nga mapasaka sa suspek.
Gani, asoy ni Rafter nga padayon pa ang ilang pagkuha og mga lig-on nga mga ebidensya alang sa isang-at nga kaso batok sa responsable sa maong krimen.
Siguraduhon usab sa mga opisyal nga mahatag ang hustisya sa mga kabanay ug pamilya sa biktima hinungdan nga dili kini angayan nga dalion ang ilang imbistigasyon arun mabutang sa angayang butanganan ang maong suspek.
