CEBU CITY-Padayun ang monitoring ug pagbuhat og follow up investigation sa Committee on Peace and Order kabahin sa padayun nga pagpamusil patay sa dakbayan sa sugbo.
Matud pa ni Konsehal sa Cebu City, Chairman sa Committee on Peace and Order nga si Counsilor Philip Zafra, nikigkita ug nagka storya na sila ni Police Col.Ireneo Dalogdog, ang City Director sa Cebu City Police Office, ug gikataho sa opisyal sa iyaha nga kasagaran sa pagpamusil patay sa Dakbayan adunay kalambigitan sa drugas.
Dugang pa, nga nimando si Dalogdog sa tanang station commanders nga dugangan ang police visibility sa mga lugar nga ilang gidumala aron nga dili na modaghan ang krimen.
Sa laing bahin, nagpadayun ang pagdeploy sa mga kapulisan diin grabe ang report sa krimen.
Gitataw sa konsehal nga ang challenge nga gi-atubang sa kapulisan mao ang kakuwang sa gidaghanon niini itandi sa gidaghanun sa katawhan sa Sugbo.
Gihimug-atan niini nga naa ang mga kapulisan, naa ang mga barangay tanud ug auxiliary forces.
Bisan paman dili nila malukop ang kinatibuk-an sa dakbayan sa Sugbo inay naningkamot kini nga mavisible sa mga eskwelahan ug mga lugar diin daghan ang economic activity.
