Patay diha-diha dayun ang usa ka kargador human gipusil-patay sa duha ka riding in-tandem, kagahapon, Biyernes Agusto 29, 2025 sa Silangan 2, Barangay Tejero, Cebu City.
Nailhan ang biktima nga si Emmanuel Navarosa, 31-anyos, adunay ka-live-in partner ug lumulupyo ra usab sa maong dapit.
Matud pa sa kapuyo niini nga nga nag-isturya-isturya lang sila sa biktima, apan kalit lang nga gisulod sila sa mga suspitsado ug gipusil si Navarosa.
Tataw usab sa kapuyo niini, nga si Christina Umpad, nga sa walo katuig nga panagbuwag, kagahapon lang silang adlawa gabalik kay gibuwagan kini sa kanhi kapuyo usab niini.
Giangkon ni Umpad, nga mogamit ug illegal nga drugas ang biktima apan iyang gipanghimakak nga namaligya kini ug illegal nga drugas.
Daling misibat ang gun-man ug ang motorsiklo sa biktima maoy gisakyan ug gihimong gate away vehicle.
Padayon pang mihimo ang kapolisan sa Waterfront Police Station ug follow-up nga imbestigasyon sa maong pagpamusil.
