CENTRAL VISAYAS- Padayong gimonitor sa Department of Health Region 7 ang nagkasaka nga kaso sa Leptospirosis sa Central Visayas.
Basi sa datos sa ahensya nga nisaka sa 188 gikan sa Enero hangtod Agosto 2025, diin 20 niini ang namatay.
Ingon man nga mas nitaas kini og 68 porsyento kon itandi sa 112 ka kaso nga natala sa samang panahon sa miaging tuig.
Mao kini ang gipaambit ni Dr. Eugenia Mercedes Cañal, Medical Officer IV and Cluster Head of the Regional Epidemiology and Surveillance Unit (RESU), nga kasagaran sa mga nataptan sa sakit kay mga lalaki, diin nag-una sa listahan ang mga mag-uuma ug ang mga driver.
Busa, subling gi-awhag ni Dr. Cañal nga magpacheck-up dayon sa mga eksperto kon gani aduna nay mga gipamati hilabi na nga na-expose sa mga baha.
Gidugang usab niini nga adunay duha ka phases sa Leptospirosis, diin una mao ang mild ug ang ikaduha nga kanunay maalaan og Hepatitis gumikan sa sintomas nga human sa duha o tulo ka adlaw gikan sa pagkuha sa sakit kay color yellow na.
Hinungdan nga mas maayong modangop na sa mga health workers aron ma-assess hilabi na nga nisulong sa mga tubig baha.
