Gihikay na ang kasong murder karon sa duha ka mga suspek sa pagpusil patay ni Police Master Sargeant Maximino Macua Jr., samtang padayun pa’ng gipangita ang la-ing 4 ka mga responsabli.
Mag-atubang sa tukmang silot si Franco Abadia Obeso nga nalandig karon sa tambalanan ug ang live-in partner ni-ini nga si Jeramia Zafra gumikan kay ana-a usab kini sa area atol sa buybust operation nga gipahigayon sa kapulisan.
Matud pa ni Police Master Sargeant Nicolo Gonsalez usa sa imbistigador sa Mambaling Police Station nga usa sa nipabuto sa armas si Obeso atol sa ma-ong dugu-on nga engkwentro.
Samtang nibisita usab si Cebu City Mayor Edgardo Labella sa haya sa nahisgutang pulis og una na kini’ng nipasalig nga mutunol ang kagamhanan sa dakbayan sa Sugbo og tabang pinasyal ngadto na sa nagbanguta’ng pamilya.
Pagadalhon ang patayng lawas ni Macua sa Cebu City Police Office (CCPO) ugmang adlawa una kini dalhon sa probinsya sa Bohol sa adlaw’ng Sabado alang sa lubong gumikan kay lumad kini sa ma-ong dapit.
Hulagway usab sa kapikas sa kinabuhi ni-ini nga usa ka kugihang tawo.
Gani gidid-an pa kini sa dihang nasakop sa Police Drug Enforcement Group apan wa kini papugong gumikan sa ka-dedictated ni-ini sa trabaho.
Kahinumdoman napatay si Police Master Sargeant Maximino Macua Jr sa madugu-ong engkwentro tali sa mga durugista sa Sitio Tabada Barangay Mambaling ning dakbayan niadtong Pebrero 11, 2020 sa gabi-i. (Mich Dialogo)
