Gitan-aw karon ang kasong plunder sa Office of the Vice President (OVP) ug sa Department of Education (DepEd) tungod sa giingong iregularidad sa pagdumala sa confidential funds.
Atol sa pagdungog sa House Committee on Good Government and Public Accountability, si Antipolo 2nd District Rep. Romeo Acop miingon nga ang mga pundo nga gi-withdraw sa dagkong kantidad ug gi-encash matag quarter sa Special Disbursing Officers (SDOs), kinsa dayon gitugyan ngadto sa security officers.
Dugang niini nga mamahimong graft ug corruption kung ang mga pondo sa publiko magamit sa wala y bayad o wala y kapuslanan o mas grabe kung ang mga pondo ibalhin sa personal nga paggamit o kaayohan.
Namatikdan ni Acop nga sa OVP, si SDO Gina Acosta kay mi-encash og P125 milyones matag quarter gikan sa ulahing bahin sa 2022 ngadto sa 2023, samtang si SDO Edward Fajarda kay mi-encash og P37.5 milyones alang sa quarters sa DepEd.
Ingon man nga daw gituyo nga magpahinabog kalibog, pagpahisalaag ug pagsamok ang publiko ang nahitabo sa OVP ug DepEd confidential funds.
