CENTRAL VISAYAS-Gibarugan sa kasundaluhan sa kabisay-an ang ilahang gisang-at nga reklamo batok sa Community Empowerment Resource Network (CERNET) nga nakalapas sa “Terrorism Financing Prevention and Suppression Act” (R.A. No. 1016) sa 2012.
Kini subay sa Kusganong pagkondena sa AMP nga walay basehanan ang mga akusasyon nga gisang-at batok sa mga miyembro sa CERNET’s staff, board, ug council.
Kung diin ang maong reklamo gipasaka ni Brigadier General Joey A Escanillas PA, ang Commander sa 302nd Infantry Brigade, nga miresulta sa subpoena sa 27 ka mga indibidwal gikan sa CERNET.
Matud pa ni Lieutenant Col. Israel Galorio ang tigpamaba sa Viscom, nga mas maayu nga ilaha nalang nga atubangun sa korte ang maong kaso, ilabi na nga aduna na kiniy pasiunang pagdungog.
Dugang pa, nga dili kini red-tagging, inay truth-tagging, ug ilahang katuyoan nga mahibaloan sa katawhan ang kamatuoran bahin sa CPP-NPA ug sa mga kakunsabo niini ug mga kaalyadong organisasyon.
Gitino niini, nga ilaha nang napamatud-an subay sa gidaghanon sa mga personalidad sa CPP-NPA nga na-neutralize ug sa ulahi nahimong mga lider ug prominenteng personalidad sa cause-oriented ug advocacy support groups.
Sama nalang sa nahitabo niadtong Septiyembre 07, kung diin adunay usa ka engkwentrong nahitabo sa Brgy Campugao, Bilar, Bohol diin usa (1) sa unom (6) ka NPA ang na-neutralize sa ulahi nahibaw-an nga mao si Kerlan Fanagel, ang banggiitang IP organizer sa Mindanao kinsa mao ang Chairman sa PASAKA – Southern Mindanao Region, usa ka advocacy support group alang sa mga lumad sa Southern Mindanao.
