CEBU CITY-Walay kabutangan sa kalipay ang gibati sa usa ka 20 anyos nga fresh graduate human kini na hire on the spot sa gipahigayong Job Fair atol sa Labor Day kagahapong adlawa sa Public Employment Services Office (PESO) sa dakbayan sa Mandaue.
Si John Joseph Paayas ang nagkanayon nga ika-4 na kini niya nga higayon nga nangaply sa BPO industry ug karon lang siya nadawat. Una usab matud pa niya nga higayon nga nangaply sa job fair sanglit walk in ang iyang gihimo sa 3 ka mga call center nga iyang gi-aplayan apan kanunay siya nga gi-“reject”.
Busa, dako ang iyang pasalamat sa PESO sa job fair nga gipahigayon niini atol sa Labor Day tungod kay hingpit na siya karong “employed” human sa dugay niya nga pag-istambay human nga mi-gradwar sa kolehiyo.
Excited usab kini nga ipaambit sa iyang ginikanan ang naasoy nga “good news”.
