CEBU – Adunay kahigayonan si Kiefer Ravena nga makadaog og record-extending sixth Southeast Asian Games gold medal, human maapil sa 12-man line-up sa Gilas Pilipinas paingon sa Hanoi, Vietnam.
Si Ravena maoy nangulo sa Philippine men’s basketball team sa 5-on-5 nga bersyon sa sport, diin ilang gitinguha nga mahuptan ang bulawang medalya nga ilang nadaog sa 2019 SEA Games sa Manila.
Nakadaog kini og lima ka SEA Games gold medals, nga nahimong kabahin sa Philippine team sa biennial event sukad niadtong 2011 edition sa Jakarta.
Makauban ni Ravena ang pundok sa mga magduduwa sa PBA nga gipangulohan nila ni June Mar Fajardo, Isaac Go, Mo Tautuaa, Troy Rosario, Matthew Wright, Roger Pogoy, Kib Montalbo, ug Kevin Alas.
Kabahin usab sa 12-man line-up ang Gilas cadets nga sila si Will Navarro ug Francis “Lebron” Lopez nga opisyal nga gi-unveil sa Philippine Olympic Committee niadtong Huwebes sa hapon.
Si Thirdy Ravena ang nakakompleto sa listahan , kinsa sama sa iyang magulang nga si Kiefer nakaduwa usab sa B.League sa Japan sa miaging tuig.
