CEBU CITY-Magpahigayon ug “Unity Walk” ang Cebu-based transport cooperatives and corporations timailhan sa ilang pagsupak sa pagsuspenso sa Public Utility Vehicle Modernization Program (PUVMP), karung adlawa Lunes, Agosto 5, 2024.
Sa pakighinabi sa Bombo Newsteam kang Ellen Maghanoy, chairman sa Federation of Cebu Transport Cooperatives (FCTC) ug kinsang leader sa El Pardo Transport Cooperatives,nga anaa sa 21 ka mga Cebu-based transport leaders and representatives gikan sa Federation of Cebu Transport Cooperatives and Allied Transport Cooperative ang niawhag sa pagpadayon sa PUVMP, sanglit alang kanila ang pagsuspenso niini maoy mamahimong hinungdan sa pagkahagsa sa ekonomiya tungod matud pa daghan na ang nangutang aron lang makapalit sa mga units para sa pagcomply sa moderdinazation.
Dugang pa, nga magsugod ang ilang protesta sa Osmeña Boulevard hangtod sa Land Transportation Franchising and Regulatory Board Central Visayas office.
Matud ni Maghanoy, nga solusyon, dili suspensyon, mao ang sentro nga mensahe nga ilang gitumong sa paghatag og gibug-aton sa ilahang ipahigayun nga protesta.
Dugang pa, nga kung madayon, suspensuhon usab nila ang ilahang mga loan, kay kung dili suspensuhon, wala silay kakuhaan og kuwarta nga ikabayad.
Ug kon posibleng mohunong na sa operasyon ang kapin sa 1,400 ka modernong jeepney units, kinahanglang mangandam ang mga sumasakay sa Sugbo alang sa posibleng pagkabalda sa transportasyon.
