CEBU CITY — Gi-awhag ni Edwina Cariaga, ang chief administrative officer sa Philippine Statistics Authority (PSA) nga kinahanglang masayod ang publiko sa proseso kung unsaon nga makabaton og National ID.
Matud ni Cariaga nga adunay tulo ka pamaagi aron nga makakuha sa maong ID.
Sugdan kini sa pre-registration diin adunay musuroy sa matag balay aron sa pagsurvey sa buot nga makabaton niini ug dayon ang pag-adto sa registration center nga nahimutang sa nagkadaiyang parte sa Probinsya ug Dakbayan sa Sugbo.
Sunod niana mao ang paghuwat nga mahimo ng available ang ID nga ihatod mismo sa address sa usa ka indibidwal.
Samtang gibutyag niini nga adunay 45 ka mga registration centers sa Sugbo diin niabot na sa 800 ka mga Pilipino ang naka-rehistro sa National ID sa Sugbo ug naa sa 1.4 ang narehistro sa tibuok Central Visayas.
Nanawagan kini og pasensya sa publiko ug gisiguro niini nga makabaton og National ID ang tanan.// BRA, BEP
