Mitaho ang Department of Health (DOH) nga ang gidaghanon sa mga naangol tungod sa pabuto karong kapaskuhan miabot na sa kinatibuk-an nga ihap sa 91.
Katapusang natala sa ahensya ang usa ka 8 anyos nga nawad-an sa iyang tudlo ug kumagko tungod sa usa ka whistle bomb, samtang ang usa ka 16 anyos nga nawad-an sa iyang duha ka tudlo tungod sa usa ka 5-Star nga pabuto.
Sumala ni DOH Spokesperson Albert Domingo, nga gisurado kining ang bata mismo ang nagkupot sa pabuto.
Dugang niya nga kining mga bata nakahiagom og active injuries, nga kasagaran mahitabo kung ang usa ka pabuto hikapon samtang kini gisindihan.
Tungod niini, gikan sa Disyembre 21 hangtod Disyembre 27, 62 ka sentinel hospital sa tibuok nasud ang nakatala og 34% sa datos, mas ubos kaysa sa miaging tuig, diin 137 ka mga kaso ang natala.
Sumala sa DOH, kadaghanan sa mga insidente gikan sa mga bata, labi na kadtong nag-edad og 10-14 anyos.
Ang nag-unang hinungdan sa ilang mga samad gipahinabo sa 5-star, kwitis, Boga ug Triangulo nga pabuto.
Gipahinumdoman ni Domingo nga ang mga indibidwal nga nasamdan gikan sa pabuto kinahanglan dad-on dayon sa health professionals. Alang sa first aid, iyang giklaro nga ang apektadong bahin sa lawas kinahanglan limpyohan gamit ang limpyo nga tubig, ug kung ang usa ka bahin sa lawas naputol, kinahanglan kini tabunan og limpyo nga plastik, panapton, ug ice.
