Kita sa lalawigan sa Sugbo misaka og 7%

CEBU – Nakatala og 7 % nga pagsaka sa kita ang labing adunahan nga probinsya sa nasud alang sa 2021.

Makita sa talaan gikan sa Provincial Treasurer’s Office nga nakakolekta ang Kapitolyo og mokabat sa P5 bilyones nga kita sa miaging tuig, nga nakapa-abot sa target niini.

Sa maong datos makita ang pagsaka sa koleksiyon niini ngadto sa 6.89 porsyento, o kapin sa P328 milyones, itandi sa P4.7 bilyones nga ilang gi-post niadtong 2020.

Nagpabiling pinakadakong tinubdan sa kita ang Internal Revenue Allotment (IRA) sa lalawigan sa Sugbo.

Niadtong 2021, nakadawat ang probinsiya og P4 bilyon nga IRA.

Ang IRA usa ka bahin sa local government gikan sa nasudnong gobyerno.