Napakyas sa pag-iskor ang 4-time NBA champion nga si Klay Thompson sa iyang unang duwa isip Dallas forward.
Sa duwa tali sa Dallas Mavericks ug sa Los Angeles Clippers, ang sharpshooter nakaduwa sulod sa 21 minutos apan wala siya nakamugna bisan usa ka shot gikan sa iyang siyam ka mga pagsuway.
Tulo lang ka rebounds ug usa ka assist ang iyang natampo sa Dallas, nga gipildi usab sa Clippers sa iskor nga 110-96.
Si Klay maoy usa sa mga starters sa Dallas apan wala siya makauban sa ubang mga bitoon sa team nga sila si Kyrie Irving ug Luka Doncic, kinsa kasamtangang nagpahuway.
Sa laing bahin, nagpakita sa iyang istilo ang bench sa Clippers nga si Kevin Porter Jr. sa iyang 18 puntos, 5 ka rebounds ug unom ka assists sulod sa 19 minutos nga duwa.
Ang bigtime double-double gihimo usab sa sentro sa team nga si Ivica Zubac, kinsa niamot og 12 ka rebounds ug 11 puntos.
Bisag preseason pa lang kini sa liga, mao kini ang unang higayon nga mag-uban sila si Irving, Luka, ug Klay, human nila nakuha ang legend sa Golden State Warriors sa miaging offseason.
