Gilauman nga moabot sa P5.5 trilyon ang kita sa gobyerno sa katapusan sa termino ni Presidente Ferdinand Marcos Jr., sumala kang Finance Secretary Frederick Go.
Matud ni Go, gilauman nga motubo og average nga 9% kada tuig ang koleksyon sa buhis gikan 2026 hangtod 2028.
Pinaagi niini, target sa gobyerno nga molapas sa P6 trilyon ang kinatibuk-ang kita pagsapit sa 2030.
Gilauman nga mopakusog ang BIR ug BOC sa ilang mga paningkamot sa pagkolekta sa buhis.
Gisugyot usab ni Marcos ang pagpataas sa income tax exemption threshold gikan P250,000 ngadto sa P350,000 kada tuig, ingon man ang temporaryong tax exemption alang sa micro ug gagmay nga negosyo.
Samtang, gikan Enero hangtod Hulyo 2026, nakakolekta ang BIR og P2.003 trilyon, o P13.53 bilyon nga mas taas kaysa sa target nga P1.990 trilyon alang sa maong panahon.
