Usa ka konsiyerto ang giplano nga ipahigayon dungan sa pagsaulog sa anibersaryo sa People Power Revolution batok sa flood control anomaly o ang isyu sa korapsyon nga giatubang sa nasud.
Kini ipahigayon og sayo sa Pebrero 21, 2026, sugod sa alas 4 sa hapon, nga adunay temang “Awit at Aksyon kontra Korapsyon.”
Sumala sa Mayors for Good Governance ug sa grupong Kaya Natin!, ang konsiyerto nagtumong sa pagpahinumdom sa mga Pilipino nga ang panaghiusa nga nahitabo niadtong 1986 nga magamit karon aron makigbatok sa korapsyon.
Busa, ilang gidala ang mensahe nga ang tanan adunay responsibilidad ug papel, labi na sa hiniusang pagpakigbatok sa isyu sa korapsyon sa nasud.
Pipila sa mga gilauman nga mopasundayag sa selebrasyon mao sila si Ogie Alcasid, Janno Gibs, Moro Beats ug Vice Ganda ug uban pa.
