CEBU CITY-Mahatagan na og kasulbaran ang dekada na nga krisis sa tubig sa mga bukirang bahin sa dakbayan sa Sugbo tungod sa gipahigayon nga ‘Ground Breaking’ sa Metro Cebu Water District.
Diin ang mga proyekto kay gihimo sa Barangay Guba ug Agsungot, aron sa pagpalapad sa tubig ug hingpit na nga masulbad ang problema sa kakuwang sa tubig sa mga bukirong barangay.
Sa pakighinabi sa Bombo Radyo Cebu kang Minerva Gerodias, ang tigpamaba sa MCWD, gitino niini nga kini nga mga proyekto sa dili madugay molugway sa palibot nga mga lugar sama sa Budlaan, Pulangbato, Cambinocot, Binaliw, Pit-os, ug Mabini, nga nakabenepisyo sa kapin 5,000 ka mga panimalay.
Dugang pa, nga dako kini og tabang sa katawhan sa kabukiran sa Dakbayan nga kadaghanan niini nagsalig sa mga tubod alang sa ilang panginahanglan sa tubig.
Una na nga nalangay ang ‘Ground Breaking’ sulod sa kapin sa usa ka tuig tungod sa ‘political disagreements’ hinungdan sa pagkalangay sa permit nga giingong gumikan sa kasungian tali ni MCWD Chairman Joey Daluz ug suspended Mayor Michael Rama, kinsa nipahunong sa proyekto.
