CEBU CITY-Gipasabot ni Supt. Salustiano Jimenez, ang Regional Director (RD) sa Department of Education (DepEd-7) nga kung dunay mga reklamo sa tunghaan nga naglambigit sa mga estudyante ug ang ginikanan niini, kinahanglan nga i-agi gyud kini sa sakto nga forum.
Una, angayan nga ipaabot usa kini sa principal ug pagkahuman i-forward sa Division Office. Samtang ang Division na ang mupadala niini ngadto sa Regional Office aron matuki ang reklamo ug masuta kung kinahanglan ba og imbestigasyon.
Dili matud pa kay diritsohon dayon ug kuhaan sa licensya sama sa nahitabo sa nagviral nga issue sa maestra sa kauluhan nga patangtangan og licensya sa mireklamo nga inahan sa estudyante.
Paghulagway pa ni Jimenez nga sama sa regular court, tagaan usab ug due process ang maestra gumikan kay ang klarong criminal i-agi paman gani sa hukmanan.Gipasalig ni Jimenez nga dinhi sa Rehiyon 7 makalaum ang mga ginikanan nga aksyonan nila kung dunay mga legit nga reklamo.
Giklaro usab sa direktor nga kung dunay mga magtutudlo nga wala nagtarong sa iyang trabaho, angayan usab kini nga lutuson sanglit dili sila mu-tolerate og sama niini.
Mensahe karon ni Jimenez sa ubang magtutudlo nga magpadayon sa maayong gibuhat, sa pagtudlo ug sa pagumol sa mga estudyante nga kini mahimong malampuson.
Alang usab sa nga ginikanan, gihimug-atan ni Jimenez nga sayod siya nga di usab lalim magmonitor sa bata ilabina kug nagtrabaho kini ug busy apan dawaton usab ang kasaypanan ug ingon kinahangla’ng tagaan og higayon ug paminawon usab ang mga anak.
