CEBU CITY-Gibutyag ni Police Col. Ireneo Dalogdog ang director sa Cebu City Police Office nga ang kwarta nga gi-uli sa mga tawo nga ni apil ug punit sa mga kwarta nga nag katag sa SRP wala kuhaa sa collector.
Mukabat sa 58,000 ang kwarta gi uli sa mga taw ngadto sa mambaling police station.
Hinungdan nga nakamugna kinig pangutana ug pagduda sa kapulisan nga adunay possibilidad nga gikan sa illegal nga kita ang naasoy nga kwarta, kini gumikan kay sa kadako sa kwarta nga gipang uli sa Police Station wala gibalik sa collector ug wala na usab nagpakita ang naasoy nga collector.
Gitino sa opisyal nga ilahang gimonitor ang collector kini gumikan kay nasuta sa kapulisan nga aduna kini kalambigitan sa illegal activies, ug dako ang possibilidad nga ang maong kwarta dili gikan sa ligitimate nga operasyon.
Tataw pa ni Dalogdog nga dako usab nga pangutana sa ilaha nganung dili e-butyag ang pangalan sa kompanya nga iyahang gitrabahuan ug wala na usab sila nagpakita sa kapulisan ingun man ang mga kawani sa kompanya.
Kung kahinumduman usa ka collector ang ni ingun nga ni buto ang Zipper sa iyang Bag nga gisudlan ug 4 Million hinungdan nga nag katag ang kwarta sa SRP ug gipamunit sa mga tawo.
