LAPU-LAPU CITY – Duha lang ang kapili-an, kwarta o kinabuhi.
Kini ang gihimug-atan ni Lapu-Lapu City Mayor Junard “Ahong” Chan subay sa travel ban issue sa mga Chinese national.
Matud ni Mayor Chan nga ang dakbayan sa Lapu-Lapu ang frontliner kung diin anaa sa ilahang tugkaran ang Mactan Cebu International Airport (MCIA) hayan sila ang ‘getway’ sa mga langyaw ilabi na ang mga Chinese national.
Sigon pa nga mukabat sa dili mu menus 1,000 ka mga Chinese national ang maabot sa MCIA matag adlaw hinungdan nga dili gayud nila makaya ang magpahigayon ug quarantine.
Giangkon sa mayor nga wala kini sila’y igong pasilidad nga mupahigayon ug quarantine sa kadaghan sa mga insik nga maabot sa MCIA hinungdan nga pabor kini nga adunay travel ban.
Gitataw ni Chan nga mas pili-on niini ang kinabuhi sa mga Oponganon, ingon man ang mga Sugbuanon sa kinatibuk-an, inay nga mag-apas sa kita-on sa turismo.
Gi-asuy sa opisyal nga walay gamit ang kwarta kung mangamatay lang usab ang tanan.
Subay niini, nanawagan si Mayor Chan sa Department of Health (DOH) 7 nga i-evaluate pa pagmaayo ang sitwasyon gumikan kay kinahanglan nga hunahunaon sa tanan nga temporaryo lang ang maong problema ug masaligon kini nga matapos lang ang N-CoV scare.
