-- ADVERTISEMENT --
CEBU CITY — Gihangyo ni Cebu City Mayor Edgardo Labella ang konseho sa syudad nga mo-umol og ordinansa nga magsilot sa mga molapas sa social distancing nunot sa hulga sa coronavirus disease 2019.
Plano sa city government nga mopa-ubos sa community service ang mga malapason diin palimpiyuhon kini sa oras nga molapas sa maong palisiya.
Una niini, na-obserbahan sa pangagamhanan sa syudad nga daghan sa mga tawo ang wala na manumbaling sa “social distancing” aron lang maka-kuha og maka-palit sa buot nilang paliton.
Lakip sa mga nasuta nga wala nituman sa maong palisiya ang pipila ka indibidwal sa ka-merkaduhan sa Sugbo sama na lang sa nahitabo niadtong Huwebes Santo sa Carbon Public Market diin naghu-ot ang namalit og sahog alang sa binignit.
