CEBU CITY — Nanghinaut si Cebu City Mayor Edgardo Labella nga dunggon sa Inter-Agency Task Force for the Management of Emerging Infectious Diseases (IATF-MEID) ang hangyo niini nga ipaubos ang dakbayan sa general community quarantine (GCQ).
Kini human nga nipadangat ang mayor og request ngadto sa IATF subay na sa unang rekomendasyon niini nga ipaubos ang Cebu City sa modified enhanced community quarantine (MECQ).
Sumala pa sa suwat ni Labella ngadto sa DILG nga nakumpleto na ang pagpahigayon sa strategic rapid testing ug nakita nga angayan nang i-downgrade ngadto sa GCQ.
Kini bisan pa man og anaa sa kapin 2,000 ang natalang kaso sa COVID-19 nga maoy labing taas sa rehiyon.// Dugang pa niini nga anaa sa 1.2 percent ang death rate sa coronavirus sa dakbayan samtang 19.6 percent usab ang recovery rate niini.
Sigon pa usab sa request ni Labella nga himoon untang localized ang pagpatuman sa lockdown sa mga lugar nga adunay halapad nga pagkatap sa virus.
Gipaabot karon sa mayor ang tubag gikan mismo sa IATF sa dili pa pagdowngrade sa quarantine measures karong June 1. (with reports by Bombo Jhay Sajol/gn)
