Labing menos 19 patay sa kaylap nga pagbaha sa Indonesia

Misaka na sa 19 ka mga tawo ang namatay sa kaylap nga pagbaha sa Bali, Indonesia.

Gikonsiderar kini sa mga opisyal nga labing grabe nga pagbaha nga ilang nasinati sulod sa pipila ka dekada.

Sukad niadtong Martes, gipabakwit na ang mga residente tungod sa walay hunong nga pagbunok sa ulan.

Ingon man nga daghang dagkong karsada ang gisirad-an tungod sa pagdahili sa yuta nga nakaguba usab sa duha ka taytayan.

Nipadayag na usab si Presidente Prabowo Subianto sa iyang pahasubo ngadto sa mga biktima ug mipasalig kanila sa tabang sa gobyerno.