CENTRAL VISAYAS-Opisyal nga ablihan sa Department of Tourism (DOT) ang labing unang Tourist Rest Area (TRA) karung adlawa Lunes, Hulyo 10, 2023, sa Barangay Poblacion, lungsod sa Medellin, amihanang Sugbo.
Ang TRA adunay tourist information center, lounge area, coffee shops, charging station, kasilyas, ug pasalubong center nga namaligya ug lokal nga delicacy.
Tulo ka dugang nga TRA ang ablihan sa Carmen sa amihanang Sugbo, ingon man sa Moalboal ug Carcar City sa habagatang Sugbo.
Kung diin gisalmutan mismo ni Tourism Secretary Christina Garcia-Frasco ang inagurasyon ug i-turn over ang una ug usa sa daghang Tourist Rest Areas (TRAs) sa Sugbo nga nahimutang sa Munisipyo sa Medellin.
Kauban sa DOT Secretary si Gobernador Gwen Garcia, mga opisyal sa Department of Tourism gikan sa Manila ug gikan sa Central Visayas, Deputy Speaker Duke Frasco, tanang mga mayor ug board members sa Probinsya sa Sugbo, mga Kongresista, mga miyembro sa Consular Corp., ug uban pang lokal nga mga opisyal nga mipakita sa bug-os nga puwersa aron ipakita ang ilang suporta kang Secretary Frasco human sa kontrobersiya sa video sa kampanya sa turismo.
Gitapos ni Frasco ang iyahang speech sa emosyal nga pag ingun, nga ‘kumbati Sugbu, Kumbati Pilipinas,Kumbati Love The Philippines’.
